ألبرت ستريت .Albert St
-------
ف شارع تخرع الاشباح تطلع له
هدؤه يختنق من صوت متلاشي !
أنا ماشي كذا ماعندي الشغله
ولكني كذا دون البشر ماشي !
ياجعل الحظ بالتوفيق ياجعله
ياغربة حرضت عقلي على جاشي
ورجلي دوب تنقل طارف النعله
مسار العاشق اللي يحذر الواشي
وسط فوضى (عراقي) تعثر البغله
وفي زفرات (شامي) يعبث الفاشي !
وفي (تونس) فوادي ترتجف شعله
وفي (صنعا) دماغي ينطبخ حاشي !
وفي مصر أنتمائي تفُترس (وعله)
حماها النمر وتخطفها الاوباشي
أبن تركه يجهزها لبن فعله
وبن فعله من اللاشي الى اللاشي
وانا ماشي طرأ في خاطري شغله
خطفها من دماغي فكري الواشي
اوشوش بالقصيد وينفجر سعله
تنسيني وش آخر كان وشواشي
هذا شعري وذا همي وذا فعِله
إذا ماكان يبغى شي وانا ابغى شي
يعاندني ويرجع لي وانا ارجعله
ويعذرني ونتقابل على الماشي !
-------
وسلامتكم
نواف بن جارالله
برزبن - إستراليا
